RH: Waxay ahayd wax aan sax ahayn markii 2020, wasaaradda socdaalka iyo isdhexgalka ay dhalashada Danishka kala noqotay haweeney sanado ka hor u safartay Suuriya si ay ugu biirto dowladda Islaamiga ah.
Maxkamadda sare ayaa go’aamisay Arbacadii todobaadkii hore.
Go’aanku waxa weeye, sida ay sheegtay maxkamadda sare, go’aanka wasaaraddu ma ahayn mid waafaqsan shuruudaha sharci lagula noqonkaro.
Sannadkii 2015-kii ayay ahayd markii haweenaydan oo 20 jir ah ay u safartay dalka Suuriya si ay ugu biirto ururka isku magacaabay Khilaafada Islaamka.
Waxay ku guursatay Suuriya nin ka tirsan ururka. Waxay isu dhaleen carruur.
Waxay joogtay aag ay maamusho dowladda Islaamiga ah ilaa laga qabsaday Maarso 2019.
Tan iyo markaas waxay la joogtay carruurteeda xerada al-Hol iyo markii dambe xerada al-Roj.
Naagtu may dafirin inay ku biirtay dawladda Islaamka, sidaas awgeedna lagama qaadi karo jinsiyadda deenishka.
Dhinaca kale, waxay ku doodday inay ka hor imanayso mabda’a ay aaminsantahay.
Horaantii todobaadkan ayaa wasaarada socdaalka iyo isdhexgalka ay maxkamada magaalada Kobanheegan ku wayday kiis kan la mid ah.
Markaas, laba gabdhood oo walaalo ah oo mataano ahaa ay kala noqotay dhalashadii Denmark.
Sida laga soo xigtay TV 2, haweenkan ayaa ku dhashay dalka Denmark, waxaana asal ahaan kasoo jeeda Qaxooti Soomaali ah, balse ku koray Ingiriiska oo aan ku hadlin Danishka.
Sida ay sheegtay warbaahintu, waxay si wadajir ah u tageen dowladda Islaamiga ah ee Suuriya iyagoo 16 jir ah sannadkii 2014-kii.